Kiss or Killx34VvMrg
Miranduléś|
C'l artìcul chè 'l è scrit in
Miranduléś |
 Kiss or Kill
| ||
| Kiss or Kill | ||
 Matt Day e la Frances O'Connor in na figùra dal film | ||
| Baśa o Masa 1997 | ||
|---|---|---|
| Regia: Bill Bennett | ||
| Scritùr: Bill Bennett | ||
| Atùr: Frances O'Connor • Matt Day • Barry Langrishe Chris Haywood • Andrew S. Gilbert • Barry Otto | ||
| Müsica: / | ||
| Lengua: Ingléś | ||
| Dürä dal film: 96 minüt | ||
| Nasiòṅ: Austràglia | ||
Kiss or Kill (Baśa o Masa) 'l è 'n film dramàtic dal 1997, scrit e dirèt par Bill Bennett c'n un budget ad dū migliòṅ ad dòlar a 'l incìrca.
Sunt
Al Fletcher (Matt Day) e la Nikki Davies (Frances O'Connor) i èṅ dū śōvan austragliàṅ ch'i càmpan fargànd di óm 'd afâr, spuśâ e purcùs che la ragasōla la và a pascàr in di bar par purtàr-'s-i a lèt, ma invéci ad far-ag sès lē la gh dà la śdòrmia par ciulàr-ag pò tut i bèsi mént'r i rònfan. La Nikki da pìcula la gh'à abû da védar sò pàdar dar fōg a sò màdar e adès la fà fadìga a durmìr a la nòt, tant ch'l'è dvintànda sunàmbula.
Un dè òṅ ad chi óm lè, 'n avucàt, al mōr e i dū i scàpan via cun la sò valìś che dèntar la gh'à na caséta VHS in du a s véd al śugadōr da balòṅ Zipper Doyle (Barry Langrishe) a lèt c'n un baghét. Incasàda négra sèg, la Nikki la lasa 'n mesàǵ in dla segreterìa telefònica dla palèstra ad Doyle, pò i dū amànt i partìsan a la vòlta ad Perth mént'r al detective Hummer (Chris Haywood) al taca a indagàr su la mòrt d'l avucàt.
Al e la Nikki, lung la strada, i pòrtan via di bèsi a 'l pruprietàri 'd un mutèl che pò i màsan ma par lōr i guàj i èṅ sōl tacâ parchè Zipper al vōl indrē la caséta.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTv
- (IT) La schéda dal film in sal sit dla Cunferénsa Episcupàla