FejérDl v 5 NnUuto Pmjal2doMed ok a123 Ilee7 XKx Yp R :
| Fejér | |
|
|
| Komitatssitz | Székesfehérvár |
| Flächi | 4359 km² (11. Platz) |
| Ywohnerzahl | 428'572 Ywohner (2008, 7. Platz) |
| Bevölkerigsdichti | 98,3 Ywohner pro km² |
| Dialekt | Transdanubisch (Dunántúli) |
| ISO-3166-2-Abchürzig | HU-FE |
Fejér (IPA: ['fɛje:r], ungarndütsche Name: Weißenburg) isch e Komitat z Zentralungarn. S litt westlig vo de Donau und noch am Plattesee. Agränze dien d Komitat Veszprém, Komárom-Esztergom, Pest, Bács-Kiskun, Tolna und Somogy. De Komitatssitz heißt Székesfehérvár.
Inhaltsverzeichnis
- 1 Geografy
- 2 Gschicht
- 2.1 Vor de Eroberig
- 2.2 Vo de Eroberig bis züe de Ottomanische Herrschaft
- 2.3 Under de Ottomanische Herrschaft
- 3 Gröschti Städt
- 4 Tourismus
- 5 Ungarndütschi Ortsnämme
- 6 Weblink
Geografy[ändere | Quälltäxt bearbeite]
Geografisch gseh isch Fejér zimli verschyde; de südlig Deil litt in de Große Ungarische Diefebeni, anderi Deil vom Komitat sin hügelig (Bakony, Vertés, Gerecse). Au de Velencer See, e bekannts Urlaubszyl, litt im Komitatsgebiet.
Gschicht[ändere | Quälltäxt bearbeite]
Vor de Eroberig[ändere | Quälltäxt bearbeite]
S Gebiet isch scho vor 20'000 Johr bewohnt gsi. Wo s züe de römische Provinz Pannonia worre isch, hät s dört näbe de Hauptstadt Gorsium au d Städt Annamatia und Intercisa ge (hütt liige dört di ungarische Städt Baracs und Dunaújváros). Im Friehmittelalter hän Hunne und Aware dört gläbt. Bis züe de Eroberig durch d Ungare im spote 9. Johrhundert hän verschydeni Nomade s Gebiet besydelt.
Vo de Eroberig bis züe de Ottomanische Herrschaft[ändere | Quälltäxt bearbeite]
Zwüsche 895 und 900 sin d Ungare acho. Fehérvár (hütt Székesfehérvár) isch sällemols de Sitz vom Prinz Géza gsi und hät eso Bedütig kriegt. Under sinem Sohn isch d Stadt de Sitz vom Komitat worre, mo dört gründet worre isch. Di ungarische Könige sin bis zum 16. Johrhundert dört krönt und beerdigt worre.
Under de Ottomanische Herrschaft[ändere | Quälltäxt bearbeite]
1543-1688 isch Fejér vo de Ottomane bsetzt worre. Vyli Städt sin zerstört worre, d Bevölcherig isch starch zruckgange. Noch de Befreiig vo-n-ne isch hät sich d Bevölcherig 1692 neu organisiert; erscht 1703 hät Székesfehérvár sini Stadträcht zruckkriegt.
Gröschti Städt[ändere | Quälltäxt bearbeite]
| Stadt | Bevölcherig |
|---|---|
| Székesfehérvár* | 101'465 |
| Dunaújváros* | 049'183 |
| Mór | 014'731 |
| Sárbogárd | 013'461 |
| Bicske | 011'103 |
| Ercsi | 008'406 |
| Gárdony | 008'127 |
| Enying | 007'191 |
| Polgárdi | 006'582 |
| Martonvásár | 005'180 |
* Székesfehérvár und Dunaújváros hän s Komitatsrächt.
Tourismus[ändere | Quälltäxt bearbeite]
Di wichtigste Touristezyl z Fejér sin di zahlryche Denkmöler, Naturschutzgebiet und Badesee.
D'Alba Regia im Komitatssitz Székesfehérvár isch friehner de ungarische Chönig ihr Sitz gsi; do sin während 500 Johr 37 Chönig und 39 Chöniginne chrönt worre, under ihne au de Stephan I. Usserdem stönn z Székesfehérvár d'Ferenc-Chirch und s glychnamig Chloster.
S Brunszvik-Schloss z Martonvásár, wo in de 1870er-Johr baut worre isch, beherbergt e Beethoven-Museum.
Z Tác (Gorsium) sin 1958 römischi Sydlige freiglegt worre, wo sich über e Flächi vo rund 200 Hektare erstrecke. Si ghöre zu de gröschte Römersydlige an de Donau.
De Velencer See isch de zweitgröscht nadürlig See vo Ungarn und hät e Flächi vo 26 km². Er isch im Durchschnitt numme 1,5 Meter dief; sällewäg cha sini Wassertemperatur im Summer 26 bis 28 Grad erreiche. De beliebtest Badeort isch Agárd.
Ungarndütschi Ortsnämme[ändere | Quälltäxt bearbeite]
Ungarndütschi Ortsnämme im Komitat Fejér
|
|
|
Weblink[ändere | Quälltäxt bearbeite]
Commons: Komitat Fejér – Sammlig vo Multimediadateie- Ungarndütschi, mit ere Lischt vo dütsche Ortsnämme
|
Dä Artikel basiert uff ere fräie Übersetzig vum Artikel „Fejér_County“ vu de änglische Wikipedia.
E Liste vu de Autore un Versione isch do z finde. |
|
|
Dä Artikel basiert uff ere fräie Übersetzig vum Artikel „Fejér_megye“ vu de ungarische Wikipedia.
E Liste vu de Autore un Versione isch do z finde. |