GuignaZzS67 YylYy UuOcltad& PG 2 p
| Guigna Leopardus guigna |
|---|
| specie de Leopardus |
 
|
| stato de conservation: vulnerabile |
|
|
|
| Identificatores e ligamines |
| ID NCBI: 61386 |
| ID EOL: 1053887 |
| ID ITIS: 726253 |
| ID MSW: 14000093 |
| Commons: Leopardus guigna |
Le guigna[1] (Leopardus guigna), etiam kodkod[2] o catto chilen[3], es un felide timide que habita Chile e Argentina. Iste felide le plus parve de America del Sud es un cognato affin del catto de Geoffroy. Le duo species es separate per le Andes.
Contento
- 1 Characteristicas
- 2 Comportamento
- 3 Diffusion
- 4 Referentias
Characteristicas[modificar | modificar fonte]
Le guigna ha un pelle de color variante inter gris e ocre-brun que es coperte de maculas nigre. Il ha etiam exemplares toto melanistic. Le cauda es anellate. Le flancos es de un color plus clar e le parte inferior es blancastre. Super le collo se extende un distincte stria nigre. Le facie quasi non ha maculas. Le guigna differe del catto de Geoffroy per le cauda plus spisse e le testa plus parve. Illo attinge un longitude de 40 a 52 centimetros e un peso de duo a tres kilogrammas. Le cauda ha inter 17 e 25 centimetros de longitude.
Comportamento[modificar | modificar fonte]
Se tracta de un animal solitari e nocturne que chassa aves, lacertas e parve mammiferos como muses e rattos. Bon scalator, illo captura su preda per terra e in le arbores. Illo probabilemente es active etiam durante le die, ma generalmente se cela inter le alte herbas.
Su modo celate de vita multo limita le cognoscentia sur le specie. Iste stilo de vita celate lo ha protegite contra le chassa de pelles. Totevia, su diffusion limitate face del destruction de habitat un menacia importante.
Diffusion[modificar | modificar fonte]
Le guigna se trova in forestes frigide e temperate e in areas aperte con arbores in Chile central e del sud e in Argentina del west, ab le pede del Andes usque al limite de arbores al 2500 metros de altitude. Illo es le unic felide sur le insula de Chiloé. Le guigna es le plus general in forestes mixte e humide con un subbosco ric de plantas como bambu, ma habita etiam altere typos de foreste usque al limine del areas agricole.
Referentias[modificar | modificar fonte]
- ↑ Derivate de: güiña, güiña, guigna, guiña, Leopardus guigna
- ↑ Derivate de: kodkod, kodkod, kodkod, Kodkod, кодкод
- ↑ Derivate de: gato-chileno, Chat du Chili, Chilenische Waldkatze, Чилийская кошка
